حکومت پاکستان نے وزارت برائے سمندر پار پاکستانیوں اور انسانی وسائل کی ترقی کے ذریعے باضابطہ طور پر واپس آنے والوں کے دوبارہ انضمام اور بہتر مائیگریشن مینجمنٹ پروجیکٹ کا آغاز کیا ہے، جسے آر اینڈ آر پاکستان کے نام سے جانا جاتا ہے۔
یورپی یونین کےمالی تعاون سے اور انٹرنیشنل سینٹر فار مائیگریشن پالیسی ڈیولپمنٹکے اشتراک سے جاری اس منصوبے کا مقصد پاکستان واپس آنے والےتارکین وطن کے سماجی و اقتصادی انضمام کو بہتر بنانا اور حقوق پر مبنی، صنفی حساس دوبارہ انضمام کی پالیسیوں اور عمل کو فروغ دینا ہے۔
آر اینڈ آر پاکستان کے مقاصد
– واپس آنے والے تارکین وطن، خاص طور پر خواتین اور معذور افراد، کے لیے ان کے معاشرتی ماحول میں پائیدار دوبارہ انضمام کے بہتر مواقع فراہم کرنا، جبکہ صنفی حساسیت، انسانی حقوق بشمول محنت کشوں کے حقوق، اور عمر کے لحاظ سے ذمہ دارانہ طریقہ کار اپنانا۔
– پاکستانی واپس آنے والے افراد کے لیے آمد کے بعد کی معاونت کو بہتر بنانا اور پائیدار دوبارہ انضمام کے لیے درمیانی اور طویل مدتی خدمات فراہم کرنا۔
– اسٹیک ہولڈرز کی استعداد کار کو مضبوط بنانا تاکہ صنفی حساس، دوبارہ انضمام قومی پالیسی اور دیگر پالیسی سے متعلقہ دستاویزات تیار کی جا سکیں، نیز منصوبہ بندی اور خدمات کی فراہمی میں بہتری لائی جا سکے۔
– محفوظ اور منظم ہجرت کے بارے میں آگاہی میں اضافہ کرنا، بشمول غیر قانونی ہجرت کے خطرات اور واپس آنے والے افراد، ممکنہ تارکین وطن، ان کے خاندانوں اور کمیونٹیز کے لیے پائیدار دوبارہ انضمام کے مواقع۔
منصوبے کے ترقیاتی نقطہ نظر پر زور دیا گیا ہے، جس میں تمام واپس آنے والے پاکستانیوں کے پائیدار دوبارہ انضمام کے لیے نظام اور وسائل کو مضبوط بنانا اور صلاحیتوں میں اضافہ شامل ہے۔
سیکرٹری ڈاکٹر ارشد محمود نے اس افتتاحی تقریب کی میزبانی کی، جس میں یورپی یونین کے پاکستان میں ناظم الامور/ڈپٹی چیف آف مشن مسٹر فلپ اولیور گروس، آئی سی ایم پی ڈی کی ڈپٹی ڈائریکٹر جنرل مس سدیف ڈیئرنگ، اور حکومتی، نجی شعبے اور سول سوسائٹی کے دیگر نمائندے موجود تھے۔۔
اس تقریب میں کلیدی شراکت داروں اور اسٹیک ہولڈرز کے ساتھ تعاون اور کام کے دائرہ کار کو متعارف کرانے کا موقع فراہم کیا گیا، جن میں اوورسیز پاکستانی فاؤنڈیشن، فیڈرل انویسٹی گیشن ایجنسی (ایف آئی اے)، اور ٹیکنیکل ایجوکیشن اینڈ ووکیشنل ٹریننگ اتھارٹی پنجاب شامل ہیں۔ اس موقع پر واپس آنے والے پاکستانیوں کی ذاتی کہانیاں بھی شیئر کی گئیں۔
ڈاکٹر ارشد محمود، سیکرٹری ایم او پی ایچ آر ڈی نے زور دیتے ہوئے کہا ،” کہ واپسی اور دوبارہ انضمام پاکستان کی اسٹریٹجک ترقیاتی ترجیحات کے مطابق ہیں، کیونکہ یہ ان کمیونٹیز کی معاشی ترقی اور فلاح و بہبود میں معاون ثابت ہوتے ہیں جہاں تارکین وطن واپس آتے ہیں۔ میں ان مقاصد کے حصول کے لیے کی جانے والی کوششوں کا خیرمقدم کرتا ہوں، جو دو پہلوؤں پر مرکوز ہیں: مؤثر اور مستحکم خدمات کے ذریعے ٹھوس دوبارہ انضمام کی ترقی، اور پاکستان کے لیے دوبارہ انضمام کے اسٹریٹجک پالیسی فریم ورک کی تشکیل۔ ہمیں امید ہے کہ پاکستان واپسی کی ہجرت کے لیے بھی اسی سطح کی ملکیت حاصل کرے گا جو اس نے محنت کشوں کی بیرون ملک ہجرت کے لیے ظاہر کی ہے”
یورپی یونین دنیابھرمیںاورپاکستان کےاندر، ہجرت کی نگرانی میں ثابت قدم ہے۔ پاکستانی شہریوںسےمتعلق بدقسمتی کےواقعات پاکستان میں ہجرت اورسرحدی نگرانی کےپورےشعبےکومضبوط بنانےکےلیےمشترکہ اقدامات کوبرقراررکھنےکی عجلت کواجاگرکرتےہیں، "مسٹر فلپ اولیورگراس، پاکستان میںیورپی یونین کےڈپٹی ہیڈآف مشن نےزوردیا۔” ایک طرف، اسکےلیےپاکستان میں غیرقانونی مائیگریشن سےنمٹنےکےلیےثابت قدم رہنےکی ضرورت ہے۔دوسری طرف، یہ تارکین وطن کی حمایت کی ضرورت ہے۔
یہ منصوبہ یورپی یونین-پاکستان مائیگریشن اینڈ موبیلٹی ڈائیلاگ کے مقاصد کے مطابق ہے، جو ۲۰۲۲ میں قائم کیا گیا تھا۔ اس کے علاوہ، یہ یورپی یونین کے پیکٹ آن مائیگریشن اینڈ اسائلم ۲۰۲۰،یورپی یونین کی رضاکارانہ واپسی اور دوبارہ انضمام کی حکمت عملی ۲۰۲۱،یورپی یونین کی اسکلز ایجنڈا فار یورپ ۲۰۲۰،اور یورپی یونین کی انسانی سمگلنگ کے خلاف حکمت عملی ۲۰۲۱-۲۰۲۵ کے نفاذ میں بھی معاون ثابت ہوگا۔
آئی سی ایم پی ڈی کی محترمہ ڈیئرنگ نے کہا ” ہم یورپی یونین کے تعاون اور حکومتِ پاکستان کی اس اہم کوشش کا حصہ بننے کے موقع پر ان کے شکر گزار ہیں۔ مجھے خاص طور پر ہمارے انسانی حقوق پر مرکوز نقطہ نظر پر فخر ہے، جو تارکین وطن اور واپس آنے والوں میں کمزور گروہوں، خاص طور پر خواتین کے لیے، ایک جامع اور معاون حکمت عملی فراہم کرتا ہے۔ اکیلی خواتین، معذور افراد، بزرگ شہری، اور انسانی سمگلنگ کے متاثرین اکثر ہجرت اور دوبارہ انضمام کے عمل میں نظر انداز ہو جاتے ہیں؛ اسی لیے ہمارا مقصد انہیں خدمات کی فراہمی اور پالیسی سازی کے مرکز میں رکھنا ہے”
یہ منصوبہ یورپی یونین کے وسیع تر تعاون کا حصہ ہے، جو آئی سی ایم پی ڈی کے اشتراک سے پاکستان میں ہجرت اور سرحدی انتظام کے اقدامات کو مضبوط بنائے گا ۔ اس کا تعلق پہلے سے موجود مائیگرنٹ ریسورس سینٹرز (ایم آر سی) سے بھی ہے، جو اسلام آباد، لاہور، اور پشاور میں آئی سی ایم پی ڈی کے تعاون سے قائم کیے گئے ہیں۔ ایم آر سی پروجیکٹ جو ہجرت سے متعلق موضوعات اور شعبوں میں حکومت کی استعداد کار میں اضافے کے ساتھ مربوط ہے، بشمول واپسی اور دوبارہ انضمام، پاکستان سمیت وسطی ایشیا اور سلک روٹس کے متعدد دیگر ممالک میں قائم کیا گیا ہے۔
