پشاور، 3 دسمبر ایک افتتاحی تقریب میں، قونصل جنرل شانٹے مور نے خیبر پختونخوا کے 325 مرد اور خواتین طلباء کا خیرمقدم کیا جو امریکی سفارتخانے کے زیر اہتمام انگلش ورکس! پروگرام میں شامل ہوئے۔
انگلش ورکس! پروگرام امریکی محکمہ خارجہ کی مالی معاونت سے چلنے والا چھ ماہ کا پروگرام ہے جو انگریزی زبان کی مہارت کو بہتر بناتا ہے، کمپیوٹر خواندگی کی صلاحیتوں کو فروغ دیتا ہے، اور محدود مالی وسائل رکھنے والے متحرک طلباء کے لیے ملازمت کےحصول کےعلم کو بڑھاتا ہے۔
انگلش ورکس! پروگرام میں چھ ماہ کے دوران 240 گھنٹے کی تدریس شامل ہے۔ 2005 سے اب تک پاکستان میں 27,000 سے زائد پاکستانی طلباء نے ان پروگراموں میں حصہ لیا ہے، جو ہمارے دونوں ممالک کے درمیان وسیع تعاون کی ایک مثال ہے۔
